今日好彩有車接送去散餅,唔使咁攰,之後再去Party, 又去散其他嘢!好攰!不過好好玩,笑屎咗!祝大家中秋節快樂!
為咗散餅@灣仔,今日返工look加Osprey, 自己都覺得好笑,同事見到咁嘅look, 問我今晚係唔係去露營賞月,我話去散餅,我個SBM問我點散,我俾咗幾個佢,再同佢去食lunch途中示範一次,佢話你做得好自然同簡單喎,好,我放工試下。就咁又攪多一個累事嘅人出嚟啦!
因為今晚又上千個月餅返, 所以佐敦放完火後再返control center上彈, 準備天日返工再戰灣仔, 諗住幫手散餅. 點知今日全部戰友去晒明哥度, 上千個月餅一下子散晒落各區, 咁我唯有上BB彈啦, 不過唔好睇少呢啲BB彈呀, 有"半島(非嘉麟樓)"架. 唉!!連一啲"名牌"月餅都有, 可想而知, "月餅餘"嘅情況都幾嚴重, 聽聞今次呢個行動收集到差唔多萬幾個月餅, 冇錯, 我地嘅行動已經"救"咗萬幾個月餅走出"堆田區", 但相比起每年有"百幾萬"個月餅去堆田區, 呢度只係冰山一角. 所以我覺得如果想喺中秋節送禮嘅人, 可唔可以考慮下用其他嘢代替月餅呢, 例如一啲餅咭, 雪糕券等!!!
頭先孭住個50個月餅去咗佐敦放火, 原來真係好鬼攰架, 好彩朋友們認領咗25個去派, 之後再去放火, 計落原來我呢兩日散咗差唔多150個月餅, 嘩!!!我真係唔知要過幾多個中秋節先食到咁多個呀!!!!
又收到24張美心券,同戰友兩個出去朗豪坊換,實行即換即散,當塲拆盒入袋,每人50個,再落佐敦散!好彩有Osprey, 咁樣孭幾十個月餅先冇咁攰!
今日lunch time同兩個長沙灣工友去長沙灣放火, 因為佢地兩個嘅lunch time 唔同, 一個上半場, 一個下半場, 佢地放火都放得好開心, 佢地各自攞咗十零個去自己住果區散. 短短兩小時就散咗50個月餅啦!
為咗散餅, 大家可以去到幾盡!!
收拾"細軟"後, 好一個camp look同朋友去大角咀放火, 呢轉派咗40個, 我都唔知我要幾多個中秋節先食到40個月餅. 真係好想知如果唔係有咁多人收集月餅, 啲食剩嘅月餅係唔係會去堆田區呀?!!?!
如果大家再有其他月餅劵同實體月餅, 可自行喺自己工作and住果一區散, 可以將月餅隨身帶在身,見到拾荒老人家、獨居老人家、無依者、執紙皮婆婆/伯伯 ,食環署外判工、公廁清潔工人、洗碗姨姨,你小小的一個分享,會換來一個個燦爛的笑容,試一試吧!而且咁樣可以百花齊放, 每一區都分享到, 又可以減輕各戰友嘅頻撲. 不過分享果陣, 大家要注意以下幾點: 1/ 如果仲有月餅券, 快手啲換啦, 以美心為例, 9/17 (明日)已經係deadline, 仲唔係所有美心都換到 (請參考券後字句), 仲有要排隊換餅, 所以要預啲時間2/ 唔好一盒咁分享, 最好一個一個咁分享俾每一個3/ 留意自身安全
自細亞媽教落要戴眼識人, 正所講近朱者赤, 近墨者黑!!可惜本人最近遇人不熟, 識到班傻嘅, 今日一收工, 就返屋企執起"重型裝備"去明哥機場, 收拾"細軟"準備出發去放火, 我真係傻Q咗, 都痴Q線架!!!