除夕倒數@塔門

真開心, 佢地都係打清湯邊爐, 乜都唔落, 岩晒我減肥期間食, Yeah!!!

我發覺呢幾年嘅除夕倒數都係去camp, 因為呢班camp友實在好想睇日出, 又想睇星, 唔去camp, 仲有乜嘢好攪吖, 咁就決定去塔門camp啦, 因為又方便, 又hea, 又可以睇日出. 

好啦, 執好晒嘢, 有人話借到屋,可以選擇露營or宿營, 咁我好耐冇camp, 就梗係孭埋個營去啦, 點知, 入到間屋, 乜都有, 連電磁爐都有, 即刻想開爐打邊邊, 不過因為有個friend未嚟, 佢好想camp,所以我地去camp site睇睇有冇位俾佢.

嘩!!!一去到個camp site, 多人到好似旺角咁旺, 唔易搵位, 好彩有屋住咋, 如果唔係, 連斜位都要瞓呀!!
卒之, 四個人嚟，三個人都有帶營，有啲人話點都要上山起營，最終都係喺室內起營，準備同周氏宗親開會，明天起身睇2014日出！

咁多菜, 岩晒我!!

個camp site真係旺過旺角呀 !!

減肥日誌- 我要瘦過N年前

今日有個"賤人"whatsapp咗一幅我N年前同佢去India嘅相俾我, 話我N年前真係好瘦, 問我可唔可以回復好似之前咁瘦嘅身型, 我即刻出office喺架lift度影幅相, 然後whatsapp俾佢, 同佢講: "差唔多架啦, 俾多少少時間我!!"

呢條"賤人"一睇到幅相就問我係唔係有"挺胸收腹", 冇呀!!佢真係諗多咗, 事實上我真係瘦咗嘛!!!!

其實當年手臂都唔幼, 我而家要幼過N年前, 仲要瘦過N年前, 費時俾機會亞"賤人"話我肥呀, 哼!!!

G+ video

咦!!原來G+有啲咁嘅嘢, 好cute喎...

香港保險界首間地舖門市 - "中國人壽海外"

香港保險界首間地舖門市 - "中國人壽海外".
位於北角英皇道480号A舖 (北角地鐵站B3出口) 本月開始營業, 開創香港壽險公司商舖營運服務先河.
歡迎新舊客戶光臨. 中國人壽提供最好嘅平台助你發展事業, 歡迎加入我地嘅業務團隊, 有興趣可以聯絡我架!!!

最後一次嘅平分大行動

每一次我都係7:00pm先落街參加大行動, 估唔到今次係最後一次.
不過平分嘅概念係唔會消失架, 只係將佢由深水埗區散落去其他區唧, 各戰友, 加油呀!!

細細個就搵到sponsor

Ralph Lauren Sweater

呢位小朋友就好啦, 未出世就有個靚姑媽買定啲靚衫俾佢, 唔係Ralph Lauren, 就係Gap.
咁細個就有人sponsor啲衫俾佢, 真係羨煞旁人呀!!!

Gap Water proof Jacket

o靚妹, 啤乜呀!!買埋衫俾你仲啤我..哼!!!

減肥日誌 - 可怕的通淋巴

每一次我都叫呢間房做刑房

每次做完treatment之後, 張床就係俾我典到咁亂架啦..

有相有真相, 真係全身瘀晒架!!

其實減肥不嬲都唔好受, 之前果啲自家減肥法, 最辛苦都只不過係唔可以食咁多嘢, 同埋運動咋嘛.

點知嚟到Pretty Fond, 食佢啲"健怡飯盒, very ok, 仲好好食. 跳舞運動, 好好玩, 成班人柴柴娃娃咁就過咗1小時15分鐘, 咁就一身都係汗, 兩樣我之前覺得辛苦嘅嘢都克服咗,
最辛苦竟然係做treatment, 我頂佢個肺吖!!!!

好多明星減肥都係靠做機, 咁佢地咁fit都係靠做treatment, 呢啲係人都知, 佢地有啲好坦白話"做運動同節食好辛苦, 所以做treatment減肥" , 點解人做treatment, 我做treatment會做得咁辛苦架, 做到v嘩鬼叫, 典床典席, 周身瘀晒, 最唔明就係點解咁痛, 我都繼續做, 唉, 冇計!! 一個字: work.

Especially做手臂, 粗臂即時瘦晒, 真係好work, 所以只好繼續"貼錢買難瘦".....你想唔想瘦吖!?!!?

Congratulation to Stephanie!!!!

今日係Gigi大喜日子, 恭喜晒呀!!不過今日又俾法拉搶晒鏡呀, 個個都話要抱佢, 又話要同佢影相, 佢就開心啦, 仲有禮物收呀!!!!開心爆啦!!!

減肥日誌 - 我的聖誕大餐

唉!!只好怨自己揀錯日子走去減肥, 大時大節走嚟減肥, 只有三個字: 攞嚟賤!!!
冇得食好嘢, 唔緊要, 最慘就係個Facebook充斥住每一個朋友嘅聖誕大餐, 小則菠羅腸仔, 大則火雞, 魚生 etc...........
打從2007年有facebook之後, 從未試過有一年嘅聖誕覺得自己啲朋友食得咁好, 食得咁豪, 一路睇一路吞口水 (有時侯開包梳打餅止下癮, 我驚遲啲我要搽"無比膏"止口痕呀!!）, 睇嚟我減肥之餘, 仲要減睇Facebook!!!
車, 有聖誕大餐食, 有火雞食好叻咩, 我都有我個雞脾聖誕大餐食呀.....哼!!! (我其實葡萄中, 唉!!!)

減肥日誌 - 濕身

呢一幅並唔係乜嘢衣服廣告, 只係想同大家講Pretty Fond真係好鬼變態, 每一堂跳舞只係1小時15分鐘, 但每次跳完件衫都濕到好似濕毛巾咁.
今日已經偷跳咗半個鐘, 只係跳咗45分鐘, 都可以咁鬼出汗, 真係連隔拉底都濕埋, 佢地真係好鬼變態!!!

派做冬飯盒

因為做冬嘅關係, 今日派咗600盒做節飯, 大家戰友分頭行事(其實我依然都係行行企企, 隨時執生, 哈哈!!)
順利完成，不過今日真係好多義工朋友幫手呀, 明哥真係好似明星咁同人影相, 佢真係好紅呀!!!
仲有多謝亞妹個老細分享一啲物資出嚟. Thanks!!

散衫

雖然天氣暖番些少，但原來有啲 "冇家者" 都唔係好夠衫著架。

今晚經過大角咀同油麻地，見到有啲執紙皮婆婆喺咁凍嘅天氣仲摺緊紙皮, 我落車俾件衫佢, 佢反問我, 點解唔自己著, 坦白講, 唔係好識答佢, 只好話: "我夠衫架啦, 你好似好凍呀, 著多件衫啦", 之後再喺大角咀兜幾轉, 再殺去油麻地, 沿路同"機師"睇下有冇啲有需要嘅人士. "機師"果然係出勤咗咁多次, 一眼關7, 一眼就話"你兩點方向有個", 真係勁呀. 

因為之前打過電話俾吳氏伉儷, 知道駿發花園後面條tunnel可能唔夠衫, 所以我地去咗果度派, 講真, 我都係第一次行呢條tunnel (真係幾靜). 俾咗件褸"冇家者", 佢即刻著起, 仲同我講 "嘩,呢件褸好暖呀, 多謝晒!!" 講真, 如果佢係夠衫, 佢唔會一攞到件褸就即刻著囉...可想而知佢之前果幾日點過架. 我有啲"新金山"飯飛喺度, 俾咗張佢.

之後再去榕樹頭果邊啲紙皮屋, 原來果度個環境都好差, 我地真係唔知邊度可以搵到人, 後來有把聲同我地講 " 呢間冇人架....."不過我地只係見到有個人瞓緊覺咋喎...嘩!!你咪話唔驚, 原來把聲係塊板後面個人講架....(真係嚇死), 後來經佢講邊間"屋"乜人, 男定女, 我地終於喺呢個位散晒所有嘅冷衫, 洗頭水, 沐浴露啦....

之前我只係識喺深水埗同油麻地橋城散嘢, 其實香港好多地區都有"需要者"架, 只要我地"開咗眼"就睇到架啦....

今晚好多謝舊同事嘅兩袋冷衫，吳氏伉儷嘅報告, 仲有唔該機師嘅出動，車我去"放火".
多謝各位, 可能第日仲需要大家幫手去"放火"架, Thank you 先!!

其實只係用咗呢間公司嘅膠袋唧, 不過為了避嫌, 都係"馬賽克"佢地個名先!!

咁薄嘅一張被, 真係睇見都凍呀..

就係喺呢度見到兩個唔識嘅傻人!! 哈哈!!
https://www.facebook.com/kittyleekt/posts/10153691521350647 

呢位叔叔一攞到我件褸就即刻著啦, 我諗佢之前真係好凍呀... 

坦白講, 呢條Tunnel真係好靜呀!! 

咁薄嘅一張被, 真係睇見都凍呀.. 

多謝!!!

朋友, 你託我做嘅已經攪掂，謹代表受惠人士多謝閣下嘅分享!!
其實大家可以到自己工作/住果一區買飯飛架, 當然可以選擇自己散定擺喺餐廳交俾其他戰友散啦. 
如果唔知邊度有飯飛賣, 可以去以下呢個page: 
https://www.facebook.com/CareTheNeed/photos_albums
不過如果都係想我幫手買飯票而又信得過我, 可以whatsapp or PM我!!